Coucou, ch’ar’est nous
C’est vraimint l’déconfiture ! Nous ar’vla in confinage 4 sémaines, du coup, pons de spectackes in novembe. Pour ace t’heure i va falloir ar’porter cha in début d’année prochaine, on n’peut pons core vous dire quand exactemint ! Ed toute façon o srez les premiers à l’savoir.
Si o z’avez acaté vot places pour « CONFINAGE ET DECONFITURE », ô pouvez les garder jusqu’à l’annonce des nouvelles dates ed représentation, on n’incaissera pons vos chèques avant bin sûr ( in c’momint on incaisse jusse les mauvaises nouvelles… ). Si o s’avez payé in espèces, et qu’o voulez vous faire rimbourser y fauwe appeler au 06.72.86.73.56.
Sinon in attindant d’pouvoir s’arvir, prenez bin soins ed vous, et n’oubliez pons qui n’a un dicton qui dit : « si on a tous respecté les gestes « barres hier » cha s’arringera demain ».
Allez, faîtes comme Eugène, gardez le moral :
« Eugène, allez ouste, va prinde l’air un momint sors l’tien, j’ai signaye t’n’attestation…n’oublie pons, une heure ni plus et surtout ni moins »
On vous imbrasse, ah non, ch’est vraye, on vous donne un coup d’coude